77 хүүхдийг эцэг, эх асран хамгаалагчид нь хүлээлгэн өгчээ

Цагдаагийн алба хаагчид Үндэсний Их баяр наадмын өдрүүдэд иргэдийн аюулгүй байдлыг хангах, гэмт хэрэг, зөрчлөөс урьдчилан сэргийлэх зорилгоор хэв журмын хамгаалалт, эргүүлийн үйл ажиллагааг амжилттай зохион байгууллаа.

Баярын өдрүүдэд Төв цэнгэлдэх хүрээлэн, Хүй 7 худагт цагдаагийн байгууллагын Шуурхай удирдлагын штаб ажиллаж гэмт хэрэг, зөрчилтэй холбоотой дуудлага, мэдээллийг шуурхай хүлээн авч шалгаж, төөрсөн 77 хүүхдийг эцэг, эх асран хамгаалагчид нь хүлээлгэн өгсөн байна.

Мөн иргэд олноор цуглардаг Сүхбаатарын талбай, Туул голын эрэг, Үндэсний цэцэрлэгт хүрээлэн, Шөнийн гудамж зэрэг газруудад явган, морьт, нохойт, дугуйт , машинт эргүүлийн алба хаагчид үүрэг гүйцэтгэн ажиллаж байна.