888 төслийн санхүүжилт дуусаагүй

“888 төслийн санхүүжилт дуусах болоогүй” гэж Хөгжлийн банкнаас мэдэгдлээ. Экспортыг дэмжиж импортыг бууруулах 888 төсөлд шалгарсан ч банк зээл олгохгүй байна гэж үйлдвэрлэгчид, ялангуяа орон нутгийнхан хэлдэг. Хөгжлийн банкнаас Монгол Улсын хэмжээнд үйл ажиллагаа явуулж байгаа 13 арилжааны банкаар дамжуулан 888 төслийн санхүүжилт хийж байгаа. Таван жилийн хугацаатай 9 хувийн хүүтэй энэ зээлийн санхүүжилт Чингис бондоос нэг их наяд төгрөг байхаар баталсан.

Үүнээс 130 орчим тэрбум төгрөгийн зээл гаргасан. Энэ эх үүсвэр дуустал 888 төслийн зээл үргэлжилнэ гэж Хөгжлийн банкны гүйцэтгэх захирал Мөнхбат ярилаа. Энэ талаарх мэдээллийг манай сэтгүүлч Б.Даваажав бэлтгэжээ.