Ааруулыг хонины махаар хийсэн шөлөнд хийж уувал битүү ханиадыг анагаана

Ааруул нь ходоодны шингээлтэд сайн бөгөөд удаан хадгалсан ааруулыг шүдлэн хонины махаар хийсэн шөлөнд хийж уувал битүү ханиадыг анагаахад тустай. Ааруулыг сайтар зажилж идэхэд шүдний бөх бат байх нөхцөлийг бүрдүүлж, цусан хангамж сайжруулахад чухал нөлөө үзүүлнэ.

Амтлаг, исгэлэн, тосны зүйл их агуулсан тул шим тэжээл сайтай, биеийн хорыг тайлж тамиржуулах үйлдэлтэй. Буцалсан ус болон хар цайнд хийж, шүүсийг нь уухад элэг,цөсний өвчин,цус хөөрөх, толгой өвдөхөд тустай. Ус өөрчлөгдөж, гэдэс ходоод өвдөх үед ааруулны шөлийг уухад дарагдана.