Аж үйлдвэрийн салбарын нийт үйлдвэрлэл 572.3 тэрбум төгрөгөөр өслөө

Аж үйлдвэрийн салбарын нийт үйлдвэрлэл 2019 оны эхний улиралд урьдчилсан гүйцэтгэлээр 3.8 их наяд төгрөгт хүрч, өмнөх оны мөн үеэс 572.3 (17.5хувь) тэрбум төгрөгөөр өслөө. Үүнд уул уурхай, олборлох аж үйлдвэрийн нийт үйлдвэрлэл өмнөх оны мөн үеэс 498.4 (21.3хувь) тэрбум төгрөгөөр, үүнээс нүүрс олборлолт 505.4 (64.9хувь) тэрбум төгрөг, металлын хүдэр олборлолт 17.2 (1.4хувь) тэрбум төгрөгөөр тус тус өссөн нь голлон нөлөөлөв.

Аж үйлдвэрийн салбарын нийт үйлдвэрлэл 2019 оны 3 дугаар сард 1.3 их наяд төгрөгт хүрч, өмнөх сараас 128.1 (10.6хувь) тэрбум төгрөгөөр өслөө.