Ахлах комиссар Д.Дуламсүрэнгээр ахлуулсан ажлын хэсэг Архангай аймагт ажиллаж байна

Авлигатай тэмцэх газрын Урьдчилан сэргийлэх, соён гэгээрүүлэх хэлтсийн даргын үүргийг түр орлон гүйцэтгэгч, ахлах комиссар Д.Дуламсүрэнгээр ахлуулсан ажлын хэсэг Архангай аймаг дахь ажлаа өнөөдөр эхлүүллээ.

Ажлын хэсэг Архангай аймагт 2016 оны 11 дүгээр сарын 12-ны өдрийг хүртэл ажиллах бөгөөд 11 дүгээр сарын 14-16-ны өдрүүдэд Хөвсгөл аймагт, 11 дүгээр сарын 17-19-ний өдрүүдэд Орхон аймагт ажиллах юм.

Дээрх аймгийн иргэд Авлигатай тэмцэх газрын ажлын хэсгийн ахлагч, гишүүдэд хандахыг хүсвэл тус газрын Урьдчилан сэргийлэх, соён гэгээрүүлэх хэлтсийн ажилтан, комиссар А.Дэлгэрбаяр /утасны дугаар 99272185/-той холбогдох боломжтой аж.