Алдарт эхийн одонгийн мөнгийг олгож эхэлнэ

Алдарт эхийн одонтой эхчүүдэд Засгийн газраас жил бүр мөнгө олгодог. Харин маргаашнаас энэхүү мөнгийн олгож эхлэх гэж байна. Учир нь хууль журмын дагуу Олон улсын эмэгтэйчүүдийн баяраас өмнө олгохоор заасан байдаг аж.

Энэ жилийн хувьд зургаан хүүхэдтэй нэгдүгээр зэргийн одонтой эхэд 200 мянган төгрөг, дөрвөн хүүхэдтэй хоёрдугаар зэргийн одонтой эхэд 100 мянган төгрөгийг жилдээ нэг удаа тэтгэмж болгон олгохоор болсон. Урьд нь долоон хүүхэд төрүүлсэн бол нэг, таван хүүхэд төрүүлсэн бол хоёрдугаар зэргийн одонг олгодог байсан билээ.