Александровын нэрэмжит ОХУ-ын зэвсэгт хүчний Эрдмийн чуулгын тоглолт болно

Халх голын байлдааны ялалтын 80 жилийн ойн баярыг тохиолдуулан Александровын нэрэмжит ОХУ-ын зэвсэгт хүчний Эрдмийн чуулгын тоглолт Улаанбаатар хотод анх удаа болох гэж байна. 90 гаруй жилийн түүхтэй энэ чуулгын тоглолт наймдугаар 27-нд Соёлын төв өргөөнд, наймдугаар сарын 28-нд Жанжин Сүхбаатарын талбайд болно. Тоглолтыг Монголын Үндэсний Олон Нийтийн Телевиз шууд дамжуулан үзүүлнэ.