Алтан гахай жилд төрсөн хүүхдүүдийг 99,6 хувьтай нэгдүгээр ангид хамруулна

Энэ жил Ерөнхий боловсролын сургуулийн нэгдүгээр ангид 54.641 хүүхэд суралцахаар болжээ. Өнгөрсөн жилийн хувьд 48.092 хүүхэд хамрагдсан бол энэ жилийн хувьд 6600 орчим хүүхэд илүүдэж байгаа аж. Алтан гахай жилд төрсөн хүүхдүүдийг 99,6 хувьтай нэгдүгээр ангид хамруулна гэдгээ БШУ-ны салбарын сайд амласан байна.

Зарим ерөнхий боловсролын сургуулиуд хоёр ээлжээр, эрэлт ихтэйд тооцогддог 1, 23 дугаар сургуулиудад нэгдүгээр ангийн бүлэг хоёроос дээш авах зэргээр зохион байгуулалт хийж байгаа гэв.

Үүнээс гадна “Шинэ монгол”, “Хобби”, “Орчлон”, “Шинэ үе” зэрэг хувийн өмчийн 19 сургуульд нэгдүгээр ангийн 20 бүлэгт 535 хүүхэд нэмэлт элсэлт хийхээр болжээ.