"Алтан намар" хөгжмийн их наадам эхэллээ

Монголын хөгжмийн зохиолчдын холбоо уламжлалт “Алтан намар 2013” хөгжмийн наадмын 31 дэх жилдээ зохион байгуулж байна.Наадам долоо хоног үргэлжлэх бөгөөд өчигдөр СУИС-ийн “Оюутан” театрт хөгжмийн зохиолч УГЗ Сэр- Одын “Хайрын үргэлжлэл” мюзиклээр эхэллээ. Харин 15-ны өдөр 18.00 цагт УГЗ С.Баатарсүхийн хөгжим “Хандармаа” үндэсний дуулалт жүжгийг Төмөр замын дуу бүжгийн чуулгад тоглоно. 17-ны 14.00 цагт Улсын филармонийн концертын их танхимд хөгжмийн зохиолчдын уран бүтээлийн нэгдсэн тоглолт болох юм байна. "Алтан намар" хөгжмийн наадмын хаалтын ажиллагаа 19-нд болж дан хөгжмийн шилдгүүд тодорно.