Авто ослын улмаас 10 сартай хүү нас баржээ

Орхон аймгийн Жаргалант сумын Дулаан-Уул багийн “Хуурай-Ам” гэдэг газар /сумын төвөөс зүүн зүгт 15 км-т/ тээврийн хэрэгслийн осол болсон тухай дуудлагыг 2019 оны 1 дүгээр сарын 29-ний өдрийн 09:29 цагт хүлээн авч тус аймгийн Онцгой байдлын газарт хүлээн авчээ.

Болсон явдлыг тодруулбал, Орхон аймаг-Улаанбаатар хот чиглэлд зорчиж явсан 45 хүний суудалтай 8 зорчигчтой “Даевоо” загварын хот хоорондын зорчигч тээврийн автобус, иргэн Б-гийн эзэмшлийн “Соната-6” загварын 5 зорчигчтой суудлын автомашинтай мөргөлдөж, Дорноговь аймгийн Айраг сумын харьяат 3 иргэн гэмтжээ. Харин иргэн Б-гийн 10 сартай хүү М ослын улмаас нас барсан байна.