Авто замын шинэчлэлтийн ажлыг хийж үзүүлнэ

Маргааш буюу энэ сарын 9-ны өглөөний 08:30 цагаас Налайхын замаас Багануур руу салдаг уулзварт авто замын шинэчлэлтийн ажлыг газар дээр нь хүйтэн аргаар дахин боловсруулах технологиор хийж үзүүлэх сургуулилт болно.

Уг арга хэмжээг Зам тээврийн яам, Авто замын хяналт, Эрдэм шинжилгээ судалгааны төвөөс зохион байгуулж байгаа юм байна.

Арга хэмжээний үеэр “Замын битум” ХХК-ийн ажиллагсдын хээрийн байр сууц, хөдөлмөрийн аюулгүй байдал, эрүүл ахуй ямар байгааг танилцуулна. Мөн талбайн хяналтыг лабораторийн болон халуун арга технологид ашиглагдах машин механизм тоног төхөөрөмж, хөрсийг боловсруулах технологид нэмэлт бодис хэрэглэх, ажил гүйцэтгэх технологийн машин механизм, тоног төхөөрөмжийг үзүүлж, шинээр туршиж байгаа дахин боловсруулах арга технологийн талаар тус тус танилцуулахаар болжээ.