Автобусны жолооч зургаан хүн мөргөж, нэг хүн нас баржээ

Энэ сарын 28-ны 13.00 цагийн орчим СХД-ийн 26 дугаар хорооны нутаг дэвсгэр Их нарангийн зам, Улаанчулуутын хогийн цэг явах замд “Сутайн буянт” ХХК-ийн “Daewoo BS-106” автобусны жолооч Б нь автобусны буудал дээр зогсож байсан зургаан явган зорчигчийг мөргөжээ. Ослын улмаас овог нэр, оршин суух хаяг тодорхойгүй 30-35 насны эрэгтэй амь нас нь хохирч, тухайн автобусанд явж байсан найман зорчигч гэмтсэн байна.

Хэргийг Улаанбаатар хотын Цагдаагийн газрын 3 хэлтэс шалгаж байгаа ажээ.