Автомашин шатсаныг унтраалаа

Баянзүрх дүүргийн хоёрдугаар хороо "Гэгээ" сургуулийн арын хашаан дотор автомашин шатаж байна гэх дуудлага 2022 оны тавдугаар сарын 20-ны 06:00 цагт ирсний дагуу Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн бүрэлдэхүүн ажиллалаа.

Гал түймэр унтраах, аврах 10 дугаар ангийн бүрэлдэхүүнийг очиход задаргааны сэлбэгэнд ашигладаг улсын дугааргүй гурван “Тоёота Королла”, нэг “Тоёота пробокс” автомашин шатаж байсныг унтраалаа гэж НОБГ-аас мэдээллээ.