Б.Дэлгэрмаа тэргүүтэй бүсгүйчүүд 176 дугаар цэцэрлэгийг өргөтгөлөө

“Сайхан бүсгүй” фейсбүүк группийн хандиваар баригдсан Сонгинохайрхан дүүргийн 31 дүгээр хороонд байрлах 176 дугаар цэцэрлэгийн өргөтгөлийн нээлт өчигдөр боллоо. Дээрх ажлыг тус группийн админ Б.Дэлгэрмаа санаачилсан бөгөөд 50 хүүхдийн ортой өргөтгөлийг бүрэн тохижуулж, цэцэрлэгийн удирдлагад хүлээлгэж өгсөн байна.

Сонирхуулахад, 176 дугаар цэцэрлэгийн өргөтгөл сайхан сэтгэлтэй бүсгүйчүүдийн барьж, улсын цэцэрлэгт хүлээлгэн өгсөн хоёр дахь өргөтгөл юм.