Барилга, хот байгуулалтын яамны дэргэдэх Шинжлэх ухаан, техник, технологийн зөвлөл хуралдлаа

Барилга, хот байгуулалтын яамны дэргэдэх Шинжлэх ухаан, техник, технологийн зөвлөлийн ээлжит хуралдаан өнөөдөр болж, дараах зургаан асуудлыг хэлэлцлээ. Үүнд:

1. Хотын инженерийн бэлтгэл арга хэмжээний мастер төлөвлөгөө;

2. Дарь-Эх олон нийтийн төвийн техник эдийн засгийн үндэслэл, барилгажилтын төсөл;

3. Монель олон нийтийн төвийн техник эдийн засгийн үндэслэл, барилгажилтын төсөл;

4. Тахилт олон нийтийн төвийн техник эдийн засгийн үндэслэл, барилгажилтын төсөл;

5. “Барилгын холбоо дохиололын зураг төслийн төлөвлөлтийн дүрэм” БД;

6. Нийслэл Улаанбаатар хотод хэрэгжих "Сэлбэ сэргэлт" төслийн техник эдийн засгийн үндэслэл, ажлын зураг төсөл боловсруулах ажлын даалгавар.

Хэлэлцсэн асуудлуудаас “Дарь-Эх”, “Монель”, “Тахилт” олон нийтийн төвийн техник эдийн засгийн үндэслэл, барилгажилтын төслүүдийг дахин хэлэлцүүлэхээр тогтож, бусад асуудлыг дэмжлээ гэж БХБЯ-наас мэдээллээ.