Баян-Өлгий аймагт цас оржээ

Баян-Өлгий аймгийн Алтай, Дэлүүн, Булган, Баяннуур, Буянт, Сагсай, Толбо, Улаанхус, Цэнгэл, Өлгий сумдын нутгаар өчигдөр болон өнөө шөнө 0,4-7 мм хур тунадас буусан бөгөөд уулархаг нутгаараа цас оржээ.

Энэ сарын 27-ноос 31-ний өдөр хүртэлх цаг агаарын урьдчилсан мэдээллээр хугацааны эхээр зарим газраар бага зэргийн бороо орох төлөв ажиглагджээ.

Бусад хугацаанд солигдмол үүлтэй. Салхины хурд 5-10 м/с бах бөгөөд агаарын температур хугацааны эхэнд сэрүүцэж шөнөдөө 2-7 хэм, өдөртөө 12-17 хэм, бусад хугацаанд шөнөдөө 7-12 хэм, 19-24 хэмийн дулаан байх аж.

Сурвалжлагч: Ө.Нурболат