Баянхошуу хилийн боомт чиглэлийн авто замын засвар арчлалтын ажлыг "Авто агро" ХХК хийж гүйцэтгэнэ

Дорнод аймгийн Засаг дарга М. Бадамсүрэн байгаль орчны нөхөн сэргээлтийн болон бүтээн байгуулалтын ажлын гүйцэтгэгчийг нээлттэй сонгон шалгаруулж байхыг шаардсаны дагуу Петрочайна Дачин Тамсаг компани тендер шалгаруулалтаа олон нийтэд нээлттэй байдлаар зарласнаар орон нутгийн компаниудад ажил гүйцэтгэх боломжийг нээж өглөө.

Тодруулбал, тус компаниас зарласан тендерт орон нутгаас анх удаа "Авто агро" ХХК шалгарч Тосон-Уул 19 дүгээр талбайгаас Баянхошуу боомт чиглэлийн 210 км хатуу хучилттай авто замын 156 км замд засвар арчлалтын ажлыг 1 жилийн хугацаанд хийж гүйцэтгэхээр боллоо.