Баянзүрх дүүргийнхэн “Цагаан тууз”-аар ижилсэв

Баянзүрх дүүргийн Засаг даргын Тамгын газрын албан хаагчид өнөөдөр Харилцаа, Хандлага, Үйлдлээ эерэг болгож “Жендэрт суурилсан хүчирхийлэлтэй тэмцэх 16 хоногийн аян”-д нэгдлээ.

Тус аяныг дэлхийн 180 гаруй улс жил бүрийн 11 дүгээр сарын 25-аас 12 дугаар сарын 10-ны өдрүүдэд нэгдмэл зорилго, нэг уриан дор тэмдэглэн өнгөрүүлдэг тул дүүргийн Тамгын газрын албан хаагчид “Хүчирхийлэл үйлдэхгүй, хүчирхийллийн хажуугаар чимээгүй өнгөрөхгүй” гэж “Цагаан тууз” зүүж нэгдлээ.