“Бичил Эй Би Эс актив ТЗК” ХХК-ийн ХБҮЦ-ны хоёрдогч зах зээлийн арилжаа эхэллээ

"Монголын хөрөнгийн бирж" ТӨХК-д шинээр бүртгэгдсэн долоо дахь хөрөнгөөр баталгаажсан үнэт цаас болох “Бичил Эй Би Эс актив ТЗК” ХХК-ийн анхдагч зах зээлийн арилжааны захиалгыг 2022 оны 12 дугаар сарын 09-ний өдрөөс 12 дугаар сарын 15-ны өдрүүдэд авч, арилжааг амжилттай зохион байгууллаа.

Арилжааны системд нийт 160 хөрөнгө оруулагчийн 162 захиалга бүртгэгдсэн бөгөөд үнэт цаас гаргагчаас ирүүлсэн хуваарилалтын төлөвлөгөөний дагуу захиалгуудыг 100 хувь биелүүллээ.

Санхүүгийн зохицуулах хорооны даргын 2022 оны 12 дугаар сарын 16-ны өдрийн 1/4804 тоот албан бичгээр “Бичил Эй Би Эс актив ТЗК” ХХК-ийн хөрөнгөөр баталгаажсан үнэт цаасны хоёрдогч зах зээлийн арилжааг эхлүүлэх зөвшөөрлийг олгосныг үндэслэн хоёрдогч зах зээлийн арилжааг 2022 оны 12 дугаар сарын 19-ний өдрөөс BGF-BD-19/12/24-C0037-17.5 симболтойгоор эхлүүллээ.

МОНГОЛЫН ХӨРӨНГИЙН БИРЖ