Бид хүссэн газартаа чөлөөтэй очдог болмоор байна

"Бид хүссэн газартаа чөлөөтэй очдог болмоор байна. Мөн нийгмийн үйлчилгээ авахын тулд заавал хэн нэгний тусламжтайгаар явмааргүй байна" гэж Монголын тэргэнцэртэй иргэдийн холбооны тэргүүн н.Чулуундолгор хэллээ.

Түүний тухайд эмнэлэгт үзүүлэх, банкаар үйлчлүүлэх, төрийн байгууллагын хаалга татаж орох гээд олон бэрхшээл тулгардаг байна. Тухайлбал, эмнэлэгт очлоо гэхэд зориулалтын ариун цэврийн өрөө байхгүй учраас тусламж үйлчилгээ авч чадалгүй гарах тохиолдол их байдаг гэлээ.

Монголын тэргэнцэртэй иргэдийн холбооны тэргүүн н.Чулуундолгорын ярианд анхаарлаа хандуулъя.

Хөгжлийн бэрхшээлтэй иргэдэд таатай орчныг бүрдүүлж чадвал бид нийгмийн харилцаанд бусдын адил ижил тэгш оролцох боломжтой гэж тэрбээр хэллээ.