БНАААУ-ын Ерөнхийлөгч Абдельмаджид Теббунаас Монголын Үндэсний их баяр наадмын өдрийг тохиолдуулан мэндчилгээ ирүүлжээ

Монгол Улсын Ерөнхийлөгч У.Хүрэлсүхэд Бүгд Найрамдах Ардчилсан Алжир Ард Улсын Ерөнхийлөгч Абдельмаджид Теббунаас Монгол Улсын Үндэсний их баяр наадмын өдрийг тохиолдуулан мэндчилгээ ирүүлэв.

Тэрбээр мэндчилгээндээ Ерөнхийлөгч У.Хүрэлсүх болон Монголын ард түмэнд Үндэсний их баяр наадмын баярын мэнд хүргэж, эрүүл энх, сайн сайхан, энх тайван, хөгжил, цэцэглэлтийг хүсэхийн сацуу Монгол, Алжирын уламжлалт найрсаг харилцаа, хамтын ажиллагааг өндрөөр үнэлдгээ илэрхийлээд цаашид хоёр орны ард түмнийхээ хүсэл эрмэлзэлд нийцсэн үр дүнтэй түншлэлийн харилцааг бэхжүүлэн ахиулахын төлөө хамтран ажиллах хүсэл эрмэлзлээ илэрхийлжээ.