БНХАУ: Виз хэтрүүлсэн хоногт тутамд 500 юаний мөнгөн торгууль ногдуулдаг
Бүгд Найрамдах Хятад Ард Улсын хилийн боомтын зорчигч тээврийн хөдөлгөөн сэргэснээр Монгол Улсаас тус улс руу зорчих иргэдийн хөдөлгөөн нэмэгдэж байгаатай холбогдуулан визгүй зорчих хугацааг хэтрүүлэх явдал гарсаар байна.
Мэдээллийн алба
Бүгд Найрамдах Хятад Ард Улсын хилийн боомтын зорчигч тээврийн хөдөлгөөн сэргэснээр Монгол Улсаас тус улс руу зорчих иргэдийн хөдөлгөөн нэмэгдэж байгаатай холбогдуулан визгүй зорчих хугацааг хэтрүүлэх явдал гарсаар байна.
Монгол Улсын иргэд нь Бүгд Найрамдах Хятад Ард Улс руу 30 хоногийн хугацаанд визгүй зорчих боломжтой бөгөөд 30 хоногоос дээш хугацаанд зорчих тохиолдолд өөрийн зорилгод тохирох визтэй байх шаардлагатай юм.
Визгүй зорчих 30 хоногийн хугацааг хэтрүүлсэн тохиолдолд суугаа улсын хуулийн дагуу зөрчлийн болон эрүүгийн хариуцлага хүлээхээс гадна хэтрүүлсэн хоног тутамд 500 юаний мөнгөн торгууль ногдуулдаг тул визгүй зорчих хугацааг хэтрүүлэхгүй байхыг Бүгд Найрамдах Хятад Ард Улс руу зорчиж буй нийт иргэддээ анхааруулж байна.
КОНСУЛЫН ГАЗАР
