Боомтын нэвтрэх хурдыг нэмэгдүүллээ

Хөх хотын гаалийн газрын санхүүжилтээр Ганц модны хилийн боомтын хяналт удирдлагын системийг бүрэн автоматжууллаа. Ажлын үр дүнд Монголоос Хятад руу экспортлодог нүүрсийг дамжин өнгөрүүлдэг тус боомтын нэвтрэх хурд нэмэгджээ. Мөн машины хүндийн жинг хэмжих, жолооч болон машины талаарх мэдээллийг электрон самбарт уншуулах, замын хоригийг автоматаар гүйцэтгэх боломжтой болжээ. Тус ажилд хоёр сая гаруй юань зарцуулагдсан байна.