Булган аймагт “Ногоон бүс” төслийн хүрээнд 34 камер суурилуулжээ
нийт 86 ширхэг теле хяналтын камер бүрэн ашиглалтад оржээ.
Мэдээллийн алба
Булган аймгийн цагдаагийн газраас “Ногоон бүс” төслийн хүрээнд Булган аймгийн Иргэдийн төлөөлөгчдийн хурлаар 2021 онд 50 сая, 2022 онд 50 сая төгрөгийг тус тус шийдвэрлүүлэн “Хотспот сервес” компани 33 цэгт хяналтын камерыг суурилуулсан байна. Ингэснээр нийт 86 ширхэг теле хяналтын камер бүрэн ашиглалтад оржээ.
Тухайлбал, тус аймгийн нутаг дэвсгэрт DAHUA брэндийн чиглэлийн 4 MP, 3 NVR 16 ширхэг, 25хPTZ эргэдэг камер 5 ширхгийг байршуулж, зоон давааны хяналтын постод дугаар танигчтай 1 ширхэг LPR тусгай камер суурилуулаад байна.
“Ногоон бүс” төслийг хэрэгжүүлснээр бүс нутгийн хэмжээнд гарч буй гэмт хэрэг, зөрчлөөс урьдчилан сэргийлэх, илрүүлэлтийг нэмэгдүүлэхэд чухал ач холбогдолтой юм.
