"Буянт-Ухаа I" цогцолбор өнөөдөр нээлтээ хийнэ

Өнөөдөр 15:00 цагт "Үндэсний бүтээн байгуулалтын корпораци"-ийн барьж байгаа залуу гэр бүлд зориулсан, Нисэхийн дэнж дэх "Буянт-Ухаа I" орон сууцны хорооллын нээлт болно.

Нээлтэд Ерөнхий сайд Н.Алтанхуяг, БХБ-ын сайд Ц.Баярсайхан, Нийслэлийн Засаг дарга бөгөөд Улаанбаатар хотын захирагч Э.Бат-Үүл оролцоно. 2011 оны зургаадугаар сард эхний ээлжийн барилгууд баригдаж эхэлсэн “Буянт-Ухаа” хороололд 1570 айлын 25 барилга, 128 хүүхдийн цэцэрлэг, үйлчилгээний төв байгуулагдахаар төлөвлөгдөж байгаа юм.