Чингэлтэй, Баянзүрх дүүргийн эрүүл мэндийн төвд шаардлагатай тоног төхөөрөмжийг гардуулж өглөө

Эрүүл мэндийн сайд Д.Сарангэрэл энэ сарын 25-ны өдөр томуу, томуу төст өвчний улиралчлал эхэлж байгаатай холбогдуулан дүүргийн эмнэлгүүдэд авч хэрэгжүүлж буй ажилтай танилцахаар Чингэлтэй, Баянзүрх дүүргийн эрүүл мэндийн төвд ажилласан.

Дээрх 2 дүүргийн эрүүл мэндийн төвийн хүүхдийн тасгийн үйл ажиллагаатай танилцах үер тус тасагт нэн шаардлагатай тарианы шахуурга, хяналтын монитор, дуслын автомат шахуурга, нярайн амьсгалын аппаратыг шийдэж өгөөч гэсэн хүсэлтийн дагуу өчигдөр Чингэлтэйн эрүүл мэндийн төвийн дарга Ц.Лхагва, Баянзүрх дүүргийн эрүүл мэндийн төвийн дарга н.Энхзул нарт гардуулж өглөө.