"COVID-19" халдвар болон сэжигтэй тохиолдол нэмж бүртгэгдээгүй

2020 оны тавдугаар сарын 13-ны 11:00 цагийн байдлаар Монгол Улсад коронавируст "COVID-19" халдвар болон сэжигтэй тохиолдол нэмж бүртгэгдээгүй байна. Нийт батлагдсан тохиолдол 42 бөгөөд үүнээс 15 нь эдгэрчээ. Одоогоор ХӨСҮТ-д 27 хүн эмчилгээ хийлгэж байна.

ОХУ-ын цэргийн сургуулийн 346 оюутан өнөөдөр тусгай үүргийн гурван онгоцоор эх орондоо ирэх бөгөөд ХӨСҮТ-д бүрэн шинжилгээнд хамруулахаар бэлтгэж байна. Гадаад улсад "COVID-19" халдвар авсан 30 гаруй Монгол иргэн бүртгэгдсэн байна. Тэдгээрээс 13 нь эдгэрсэн бол үлдсэн нь гэрийн тусгаарлалтад эмчилгээ, шинжилгээнд хамрагдаж байна гэж Эрүүл мэндийн яамнаас мэдээллээ.