Д.Хүдэрбулга олимпийн эрх халааслав

Туркийн нийслэл Станбул хотноо болж буй олимпийн эрх олгох чөлөөт, сонгомол бөхийн эрэгтэйчүүдийн 97 кг-ын жинд өрсөлдсөн ОУХМ Д.Хүдэрбулга “Рио-2016” зуны олимпийг зорих эрхтэй боллоо.

Тэрбээр дөнгөж сая Энэтхэгийн тамирчин Катри Маусамийг ялж, хүслээ биелүүллээ.

Манай бөх эхний тойрогт хийлж хоёрдугаар тойрогт Косово улсын бөх Эдон Шалатай сугалаа таарч 12-6-гаар ялсан. Шигшээ наймд Тажикстаны 11-0 оноогоор цэвэр ялаад байсан юм.

Ийнхүү манай улсын чөлөөт бөхийн эрэгтэй баг бүтэн багаараа олимпийн наадамд оролцохоор боллоо.