Д.Сүхбаатар, Ж.Лхагвасүрэн нарын хөшөөнд цэцэг өргөлөө

Монгол цэргийн өдөр буюу Зэвсэгт хүчний 94 жилийн ойн баярыг тохиолдуулан Батлан хамгаалахын сайд Ц.Цолмон, Зэвсэгт хүчний жанжин штабын бие бүрэлдэхүүн, БХЯ-ын бие бүрэлдэхүүн, бэлтгэл хурандаа, офицерууд, батлан хамгаалах салбарын төлөөлөл өнөөдөр Жанжин Д.Сүхбаатарын хөшөөнд цэцэг өргөлөө.

Мөн Батлан хамгаалах яам, Зэвсэгт хүчний жанжин штабын удирдлагууд БНМАУ-ын Батлан хамгаалах яамны сайд, БНМАУ-ын ардын арми, цэргийн гарамгай зүтгэлтэн, хурандаа генерал агсан Ж.Лхагвасүрэн жанжны хөшөөнд цэцэг өргөж, хүндэтгэл үзүүллээ.