Дархан 50 цогцолборын 2 байршилд цэвэр усны цэг байгуулжээ

Дархан-Уул аймгийн Засаг даргын санаачилгаар Дархан хотын Соёл амралтын хүрээлэн өөрсдийн хөрөнгө оруулалтаар гурван байршилд цэвэр усны цэгийг байгуулахаар гүйцэтгэлийн төлөвлөгөөндөө оруулсан.

Одоогийн байдлаар Дархан 50 цогцолборын хоёр байршилд цэвэр ус уух цэгийг суурилуулан ашиглалтад оруулаад байна.

Яст мэлхийн дүрстэй цэвэр усны цэг нь зэс хоолойтой, мэдрэгчтэй, зэс хлор шүүх 3 төрлийн шүүлтүүртэй учраас усыг шууд уух боломжтой юм.

Дархан хотын Соёл амралтын хүрээлэнгээс удахгүй "Миний Монгол" цэцэрлэгт хүрээлэнд дахин нэг цэвэр усны цэгийг байршуулна.

Эх сурвалж: Дархан-Уул аймгийн ЗДТГ