Дэлгэрцогт суманд 4 магнитудын хүчтэй газар хөдлөлт болжээ

Өчигдөр 11 цагийн орчимд Дундговь аймгийн Дэлгэрцогт сумын Дэлгэр-Энт багийн “Суварга” гэдэг газар 4 магнитудын хүчтэй газар хөдлөлт болжээ. Дундговь аймгийн Онцгой байдлын газраар дамжуулан тус сумын Засаг даргын Тамгын газрын дарга н.Нарантунгалагаас нөхцөл байдлыг тодруулахад иргэдэд газар хөдлөлтийн чичирхийлэл мэдрэгдсэн ч учирсан хохиролгүй гэж мэдээллээ.