Дэлхийн хамгийн жижиг принтер 250 грамм жинтэй

Шведийн инженер Алекс Бретоноор ахлуулсан баг дэлхийн хамгийн жижиг принтер бүтээхийн тулд 10 жилийн хугацаа зарцуулжээ. Тэдний бүтээсэн принтер нь батарейн хамт ердөө 250 грамм жинтэй.

Ийм жижиг принтерээр яаж хэвлэх вэ гэвэл “The Printbrush” принтерийг гартаа бариад тухайн хэвлэх материал дээгүүрээ гүйлгэхэд л хангалттай. Эл технологид өндөр нарийвчлалтай лазер оптик мэдрэгч суурилуулсан учир цаас, пластик, мод зэрэг янз бүрийн гадаргуун дээр өнгөтөөр хэвлэдэг юм байна. Мөн “The Printbrush” авсан зургаа шууд хэвлэх боломжтой. Тиймээс камер болон гар принтерийн зориулалтаар хэрэглэж болно. Нэг хуудас материал хэвлэх хугацаа нь ойролцоогоор 10 секунд аж.