Детутатуудын танхимын гадаад харилцааны хорооны даргатай уулзав

Элчин сайд Ц.Жамбалдорж Италийн Парламентын Депутатуудын танхимын Гадаад харилцааны хорооны дарга хатагтай Марта Грандетай Парламентийн ордонд уулзаж ярилцав.

Байнгын хорооны даргаар томилогдсон М.Гранде-д Элчин сайд Ц.Жамбалдорж баяр хүргэж, Италийн Парламентад Итали-Монголын парламентийн бүлэг байгуулахад дэмжлэг үзүүлэхийг хүсэв. Италийн хүнс, хөдөө аж ахуйн салбарын жижиг, дунд үйлдвэрийн хөгжлийн тэргүүн туршлагаас Монгол Улс суралцаж, нутагшуулах өргөн боломж байгааг Элчин сайд дурдав.

Монгол Улсын Их Хуралд Монгол-Италийн парламентийн бүлэг үйл ажиллагаа явуулж байгааг Элчин сайд мэдээлж, М.Гранде-г Монголд айлчлахыг урив. М.Гранде Монгол-Италийн худалдаа, эдийн засгийн харилцааг өргөжүүлэх асуудалд анхаарч ажиллахаа нотолж, Итали-Монголын парламентийн бүлэг байгуулах чиглэлээр ажиллахаа илэрхийлэв.