Долоон хүн мөнгөн усны архаг хордлоготой болохыг илрүүлсэн байна

Гар аргаар ашигт малтмал олборлодог 147 хүнд “мөнгөн ус” хэрхэн нөлөөлж байгааг тандахад 7 хүн архаг хордлоготой болохыг илрүүлсэн байна. Энэ хордлогыг авахгүй байх ганц боломж “огт хэрэглэхгүй” байх гэж мэргэжлийнхэн тодотголоо.

Өнөөдөр дэлхий дээр 10 гаруй сая химийн бодис бий. Үүнээс хор аюулын зэргээрээ ”мөнгөн ус” эхний 10-т багтдаг. Иймээс Монгол Улс Мөнгөн усны тухай Минаматагийн конвенцид 2015 оны 4-р сарын 30-ны өдөр нэгдэн орсон байдаг.

Одоо та бүхэн Нийгмийн эрүүл мэндийн хүрээлэнгийн Орчны эрүүл мэнд хор судлалын лабораторийн химич Баатарцолын ярианд анхаарлаа хандуулна уу.