Дорноговь аймагт мал амьтны гоц халдварт шүлхий өвчин гарчээ

Дорноговь аймгийн Хатанбулаг сумын Агаруут багийн “Тал хонгор” гэдэг газар 3-р сарын 19-нд 5 айлын нийт 42 тоо толгой мал, мал амьтны гоц халдварт шүлхий өвчний шинж тэмдэгтэй өвчилсөн тул дээж авч аймгийн МЭАЦЛ-д шинжлүүлэхэд шүлхий өвчин болох нь тогтоогдсон байна.

Тус сумын Засаг даргын захирамжаар 3-р сарын 20-нд хорио цээрийн дэглэм тогтоосон. Голомтод нийт 46 малыг тусгаарлаж, 3775 малыг вакцинжуулсан байна.