“Дөл” тэмцээний анхан шатны шалгаруулалтад 3000 гаруй сурагч оролцов

Монгол Улсынхаа тусгаар тогтнол, эх орноороо бахархах үзлийг төлөвшүүлэх, цэрэг эх оронч хүмүүжил олгох, бие бялдар сэтгэл зүйн бэлтгэлийг дээшлүүлэх зорилгоор Ерөнхий боловсролын сургуулийн сурагчдын дунд "Дөл" тоглолтыг зохион байгуулдаг. Батлан хамгаалах хууль тогтоомж, Зэвсэгт хүчний үйл ажиллагааг сурталчилж, таниулахад чиглэгдсэн цэрэг спортын уламжлалт энэхүү тоглолтын анхан шатны шалгаруулалт өндөрлөлөө.
“Дөл” тоглолтод Чингэлтэй дүүргийн төрийн өмчийн ерөнхий боловсролын 12 сургуулийн ахлах ангийн 100 гаруй бүлгийн 3000 гаруй сурагч оролцсон юм.