Дулааны 2-р цахилгаан станцад гал унтраах тактикийн сургууль зохион байгуулав

Нийслэлийн Онцгой байдлын газрын Гал түймэртэй тэмцэх хэлтсээс Дулааны 2-р цахилгаан станц ТӨХК-ний Түлш дамжуулах цехэд гал түймэр гарсан цагийн байдлаар гал түймэр унтраах тактикийн сургууль зохион байгууллаа.

Гал унтраах тактикийн сургуульд Баянгол дүүргийн онцгой байдлын хэлтсийн Гал түймэр унтраах, Аврах 18-р анги, Сонгино-Хайрхан дүүргийн Онцгой байдлын хэлтсийн Гал түймэр унтраах, Аврах 26-р ангийн нийт 16 албан хаагч 4 автомашин, техник хэрэгсэлтэйгээр оролцсон.

Тус станцын 194 инженер, ажилтан албан хаагчид дадлага сургуульд хамрагдаж гамшгаас хамгаалах чиглэлээр мэдлэгээ өргөжүүлж, гал түймрийн үед авах арга хэмжээний талаар дадлага эзэмшлээ.