Dyson робот тоос сорогчоо танилцууллаа

Их Британийн инженерингийн компани Dyson Токиод зохион байгуулсан арга хэмжээний үеэр анхныхаа робот тоос сорогчийг танилцууллаа. "Dyson 360 Eye" хэмээх тус тоос сорогчийг "Hoover", "iRobot", "Samsung", "Neato" болон "Vileda" зэрэг өрсөлдөгчид нь хүлээж байна. Гэхдээ Dyson компанийнхны мэдээлснээр тоос сорогчийн соролтын хүч илүү бөгөөд "онцгой" камерын системийнхээ тусламжтайгаар бохирдлыг илүү сайн илрүүлдэг ажээ. BBC-ийн мэдээлснээр энэхүү бүтээгдэхүүнийг Японд 2015 оны нэгдүгээр улиралд, бусад орнуудад оны сүүлээр худалдаанд гаргахаар төлөвлөөд байгаа юм байна.

РАЛЬДИЙ.А /shuum.mn/