Э.Дэлгэрмаа Азидаа гурван жил дараалан медаль хүртэв
Тэрбээр 2020 онд Шинэ Делид хүрэл, 2021 онд Алматыд мөнгө, энэ жил эх орныхоо дэвжээнд хүрэл медаль хүртээд байна.
Мэдээллийн алба
“Улаанбаатар-2022” Азийн АШТ-ий 68 кг-ын жинд 23 хүртэлх насны ДАШТ-ий хүрэл, залуучуудын ДАШТ-ий мөнгөн медальт, “Хасу-Мегастарс” клубийн тамирчин ОУХМ Энхсайханы Дэлгэрмаа Азийн аварга шалгаруулах тэмцээнээс гурван жил дараалан медаль зүүв.
Тэрбээр 2020 онд Шинэ Делид хүрэл, 2021 онд Алматыд мөнгө, энэ жил эх орныхоо дэвжээнд хүрэл медаль хүртээд байна.
Э.Дэлгэрмаа медальтай үлдэх эсэхээ шийдэх барилдаанд хэсэгтээ 1:2-оор ялагдсан, 2017 оны 23 хүртэлх насны ДАШТ-ий мөнгөн медальт, 2019 оны залуучуудын дэлхийн аварга Японы Нарүха Мацүюкитай дахин таарч барилдсан. Тус барилдаанд манай бөх даагаа сайхан нэхэж 4:0-ээр ялав.
