“Ээждээ бичсэн захидал” уралдаан 8 дахь жилдээ зарлагдлаа

Ээждээ хаягласан чин сэтгэлийн нандин үгс, хэлж амжаагүй бүхнээ өөрийн гараар цаасан дээр буулган бидэнд илгээгээрэй. Хайр гэрэлтэж, сургамж дагуулсан тэр л захидлуудыг ном болгон эмхэтгэж, шилдэг захидлыг шалгаруулах болно. Таны захиаг 2016 оны хоёрдугаар сарын 15-наас гуравдугаар сарын 3-ныг дуустал хүлээн авна.

Шилдэг захидлыг:

• Нэгдүгээр байр: 1 сая төгрөг,

• Хоёрдугаар байр: 800000 төгрөг,

• Гуравдугаар байр: 500000 төгрөг,

• Тусгай байр: 100000 төгрөгөөр шагнаж урамшуулна.

Сүү үнэртсэн энгэрт тань
Сүслэн байж тэврүүлье, ээж ээ.
Сэтгэлээс уяатай нандин үгсээ
Сийрүүлэн байж хэлхэе ээж ээ...

Та ухаарлын үгстэй энэ л захидлаа МҮОНТ, “Ээждээ бичсэн захидал” улсын уралдаанд гэж хаяглан бидэнд ирүүлээрэй.