ЭХЭМҮТ өвчүүний төрөлхийн хонхойлт засах хагалгааг Эрүүл мэндийн даатгалаар хийж байна
Манай улсад жилд 80 мянган хүүхэд төрдөг гэж үзвэл 40-50 хүүхэд өвчүүний хонхойлттой байдаг.
Мэдээллийн алба
ЭХЭМҮТ өвчүүний төрөлхийн хонхойлт засах хагалгааг Эрүүл мэндийн даатгалаар үнэ төлбөргүй хийж байна.
Манай улсад жилд 80 мянган хүүхэд төрдөг гэж үзвэл 40-50 хүүхэд өвчүүний хонхойлттой байдаг. БНСУ-д энэ төрлийн хагалгааг багадаа 50 орчим сая төгрөгөөр хийдэг. Харин манай улс 2021 оноос Эрүүл мэндийн даатгалаар үнэ төлбөргүй хийж байна.
Хагалгаа хийсэн даруйд үр дүн шууд гардаг гэж ЭХЭМҮТ-ийн Хүүхдийн мэс заслын тэргүүлэх зэргийн эмч н.Чулуунхүү хэллээ.
Mongolian National Radio · ЭХЭМҮТ өвчүүний төрөлхийн хонхойлт засах хагалгааг Эрүүл мэндийн даатгалаар хийж байна
Өвчүүний төрөлхийн хонхойлт засах мэс заслыг 10-15 насанд хийлгэвэл хамгийн тохиромжтой гэж үздэг. ЭХЭМҮТ энэ хагалгааг хийж эхэлснээс хойш 30 гаруй хүүхэд хагалгаанд амжилттай орсон байна.
Өвчүүний төрөлхийн хонхойлттой төрсөн 3 хүүхэд тутмын нэг нь удамшлаас үүдэлтэй байдаг. Хүнд болон хөнгөн хэлбэрийн хонхойлттой үед зүрхний хэм алдагдах, амьсгал тасалдах, цаашлаад дотоод эрхтэнд сөргөөр нөлөөлдөг байна.
