ЭМДЕГ: 2022 онд 66904 эх болон нярайд ЭМД-ын хөнгөлөлт үзүүлээд байна

ЭМДҮЗ-ийн 2022 оны 01 дүгээр тогтоолд хэвийн явцтай жирэмсний хяналтын багц болон эрсдэлтэй жирэмсний хяналтын багц, жирэмсний үеийн өвчлөл, төрөхийн тусламж, үйлчилгээний төлбөрийн зардлыг ЭМД-ын сангаас бүрэн хариуцахаар тусгасан.

Ингэснээр эрүүл мэндийн даатгалаа тасралтгүй төлсөн иргэн та “Жирэмсэн эмэгтэйн үзлэг, шинжилгээний товлол”-ын дагуу лавлагаа шатлалд хийгдэх эмчийн үзлэг, зөвлөгөө, сорил, оношилгоо, шинжилгээ болон холбогдох бусад үзлэгүүдэд 100 хувь хөнгөлөлттэй үнээр хамрагдана.

Тогтоол хэрэгжиж эхэлснээс хойш наймдугаар сарын 31-ний өдрийг дуустал нийт 66904 эх болон нярайд ЭМД-ын хөнгөлөлт үзүүлээд байна.

Эх сурвалж: ЭМДЕГ