Энэ 7 хоногийн цаг агаарын урьдчилсан мэдээ
Цаг уур, орчны шинжилгээний газраас гаргасан 2018 оны 4 дүгээр сарын 16-наас 4 дүгээр сарын 23-ныг хүртэлх 7 хоногийн цаг агаарын урьдчилсан мэдээг та бүхэнд хүргэж байна.
Мэдээллийн алба
Цаг уур, орчны шинжилгээний газраас гаргасан 2018 оны 4 дүгээр сарын 16-наас 4 дүгээр сарын 23-ныг хүртэлх 7 хоногийн цаг агаарын урьдчилсан мэдээг та бүхэнд хүргэж байна.
- Хугацааны эхээр нутгийн хойд хэсгээр, дунд үеэр ихэнх нутгаар хур тунадас нойтон цас орж, цасан болон шороон шуурга шуурна -
Баруун аймгуудын нутгаар: Дөрөвдүгээр сарын 17-нд нутгийн хойд хэсгээр, 18,23-нд нутгийн баруун хэсгээр, 19-нд ихэнх нутгаар, 21-нд нутгийн өмнөд хэсгээр хур тунадас, нойтон цас орж, цасан шуурга шуурна. Салхи 17-нд Алтайн салбар уулсаар, 18-19-нд зарим нутгаар түр зуур 18-20м/с хүрч шороон шуурга шуурна. Идэр, Тэсийн хөндий, Завхан голын эхээр шөнөдөө 0-5 хэм хүйтэн, өдөртөө 10-15 хэм, Алтайн өвөр говиор шөнөдөө 5-10 хэм, өдөртөө 20-25 хэм, бусад нутгаар шөнөдөө 0-5 хэм, өдөртөө 15-20 хэм дулаан байна. Хугацааны дунд үеэр ихэнх нутгаар сэрүүснэ
Төвийн аймгуудын нутгаар: Дөрөвдүгээр сарын 17-нд нутгийн хойд хэсгээр, 19-нд ихэнх нутгаар, 21-нд нутгийн өмнөд хэсгээр хур тунадас, нойтон цас орно. Салхи 6-11 м/с. 19-нд түр зуур 18-20 м/с хүрч цасан болон шороон шуурга шуурна. Дархадын хотгор, Хангай, Хөвсгөл, Хэнтийн уулсаар шөнөдөө 1-6 хэм хүйтэн өдөртөө 9-14 хэм, бусад нутгаар шөнөдөө 2-7 хэм, өдөртөө 18-23 хэм дулаан байна. Хугацааны дунд үеэр ихэнх нутгаар сэрүүснэ.
Зүүн аймгуудын нутгаар: Дөрөвдүгээр сарын 17-нд нутгийн баруун, 18-нд нутгийн зүүн хэсгээр, 20-нд зарим газраар хур тунадас нойтон цас орно. Салхи 19-нд түр зуур 14-16 м/с хүрч шороон ба цасан шуурга шуурна. Нутгийн хойд хэсгээр шөнөдөө 1-6 хэм, өдөртөө 18-23 хэм, нутгийн өмнөд хэсгээр шөнөдөө 4-9 хэм, өдөртөө 22-27 хэм дулаан байна. Хугацааны дунд үеэр ихэнх нутгаар сэрүүснэ.
Говийн аймгуудын нутгаар: Дөрөвдүгээр сарын 19-нд нутгийн зүүн хэсгээр, 20,21-нд зарим газраар хур тунадас орно. Салхи 19-нд ихэнх нутгаар, 20-нд нутгийн зүүн хэсгээр 16-18 м/с хүрч шороон шуурга шуурна. Нутгийн хойд хэсгээр шөнөдөө 4-9 хэм, өдөртөө 19-24 хэм, бусад нутгаар шөнөдөө 8-13 хэм, өдөртөө 24-29 хэм дулаан байна. Хугацааны дунд үеэр ихэнх нутгаар сэрүүснэ.
