Энэ долоо хоногт болох зарим үйл явдлын тойм
Дэлхийн таван тивд нийт 260 мянган удирдагч, манлайлагчдыг эгнээндээ нэгтгэсэн, 20 жилийн түүхтэй "Дэлхийн манлайллын чуулган" манай улсад 3 дахь жилдээ зохион байгуулагдах гэж байна.
Мэдээллийн алба
Энэ долоо хоногт болох зарим үйл явдлын тоймыг хүргэж байна.
Дэлхийн таван тивд нийт 260 мянган удирдагч, манлайлагчдыг эгнээндээ нэгтгэсэн, 20 жилийн түүхтэй "Дэлхийн манлайллын чуулган" манай улсад 3 дахь жилдээ зохион байгуулагдах гэж байна. Энэхүү чуулганы талаар мэдээлэл өгөх хэвлэлийн бага хурал маргааш буюу 2015 оны аравдугаар сарын 28-ны 11.00 цагт МҮОНРТ-ийн Олон нийтийн мэдээллийн төвд болно. Утас: 99207345, 300995
Хөвсгөл нутгийн дуучин залуу Д.Найдандорж Монголын Нийтийн дууны урлагт өнгө нэмж яваа нэгэн. Тэрбээр "Хайраар зөөлөрдөг хорвоо" анхны бие даасан тоглолтоо энэ сарын 30-ны өдөр "Монгол бөхийн өргөө"-нд хийхээр болсон. Тус тоглолтын талаар мэдээлэл өгөх хэвлэлийн бага хурал өнөөдөр 11.00 цагаас "Монгол ньюс" мэдээллийн төвд болох юм байна. Утас: 94998070, 89998070, 96998070, 98988070
ЮНЕСКО-гийн Монголын Үндэсний Комисс Архивын ерөнхий газартай хамтран Улаанбаатар хотноо үйл ажиллагаа явуулж буй телевизүүдээс тус бүр нэг зураглаачийг хамруулсан сургалт семинарыг 2015 оны 10 дугаар сар 28-ны өдөр зохион байгуулах гэж байна. Сургалт семинар 2015 оны аравдугаар сар 28-нд 13.00 цагаас Архивын Ерөнхий газарт болно. Утас: 70105652
"Монгол байгаль дэлхийд ганц" ТББ-аас "Гацууртын орд ба Шантаажлагчид" сэдвээр хэвлэлийн бага хурал зарлалаа. Уг хэвлэлийн бага хурал маргааш буюу 2015 оны аравдугаар сарын 28-ны 12.30 цагт "Монгол ньюс" Мэдээллийн төвд болох юм. Утас: 88399999.
Удахгүй тохиох "Үндэсний өгөх өдөр"-ийг тохиолдуулан Монголын эмэгтэйчүүдийн сан, УИХ дахь Эмэгтэй гишүүдийн бүлэгтэй хамтран хүнд хэлбэрийн Хөгжлийн бэрхшээлтэй хүүхэдтэй 10 ээжийн жижиг бизнес эхлүүлэхийг дэмжиж, Монгол Улсын анхны тэргүүн хатагтай, МОНЭС-гийн Тэргүүн Ш.Цэвэлмаагийн нэрэмжит "Төр түшилцэж яваа төвшин сайхан бүсгүйчүүд" хөрөнгө босгох VIP цэнгүүнийг 3 дахь жилдээ зохион байгуулах гэж байна. Тус цэнгүүн аравдугаар сарын 30-нд болох ажээ. Утас: 77119991, 99830562
"Дэлхийд өрсөлдөх Монгол хүн" болон "mm+BRANDING=MM" гэсэн сэдвүүдээр сонирхолтой лекц 2015 оны аравдугаар сарын 31-ний өдрийн 11.00 цагт Төрийн ордны их танхимд зохион байгуулагдах юм байна. Тус арга хэмжээнд УИХ-ын гишүүн, Боловсрол, соёл, шинжлэх ухааны сайд Л.Гантөмөр, "UFC Групп"-ийн ерөнхийлөгч О.Амартүвшин нар лекц уншина. Утас: 88094380, 88694547
