Энэ долоо хоногт цаг агаар ямар байх вэ?
Хугацааны эхээр зарим газраар, сүүлчээр ихэнх нутгаар цас орж, цасан шуурга шуурна.
Мэдээллийн алба
2022 оны 12 дугаар сарын 19-нөөс 12 дугаар сарын 26-ныг хүртэлх
7 хоногийн цаг агаарын урьдчилсан төлөв
Хугацааны эхээр зарим газраар, сүүлчээр ихэнх нутгаар цас орж, цасан шуурга шуурна.
Хур тунадас: 19-нд Хангайн уулархаг нутгаар, 20-нд төв болон зүүн аймгуудын нутгийн зарим газар, говийн аймгуудын нутгийн хойд хэсгээр, 21-нд нутгийн зүүн хэсгээр, 23-нд баруун аймгуудын нутгийн зарим газраар, 24-нд баруун болон төвийн аймгуудын ихэнх нутаг, говийн аймгуудын нутгийн баруун хэсгээр, 25-нд төв болон зүүн аймгуудын ихэнх нутаг, говийн аймгуудын нутгийн хойд хэсгээр цас орж, цасан шуурга шуурна.
Салхи: Ихэнх хугацаанд секундэд 6-11 метр, 20, 23-нд Алтайн салбар уулсаар, 21, 24-нд зарим газраар, 25-нд говь талын нутгаар секундэд 14-16 метр хүрч ширүүснэ.
Агаарын температур: Хугацааны дунд үеэр хүйтний эрч суларч Хангай, Хөвсгөл, Хэнтийн уулархаг нутаг, Дархадын хотгор, Хүрэнбэлчир орчим, Идэр, Тэс, Байдраг голын хөндийгөөр шөнөдөө 35-40 хэм, өдөртөө 25-30 хэм, Алтайн уулархаг нутаг, Эг, Үүр, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 27-32 хэм, өдөртөө 16-21 хэм, говийн бүс нутгийн баруун хэсэг, цас бага газраар шөнөдөө 10-15 хэм, өдөртөө 0-5 хэм, бусад нутгаар шөнөдөө 19-24 хэм, өдөртөө 8-13 хэм хүйтэн байна.
