Энэ онд зарим аймгийн төв цэвэрлэх байгууламжийг бүрэн барьж дуусгана

Энэ онд Дорноговь, Хөвсгөл, Булган, Сүхбаатар, Дундговь аймагт төв цэвэрлэх байгууламжийг бүрэн барьж дуусгана. Аймгуудын цэвэрлэх байгууламжийг хоногтоо 3000 метр кубын бохир усыг хүлээж авах хүчин чадалтайгаар барьж байна. Ирэх онд туршилт тохируулгын ажлыг хийж ашиглалтад оруулахаар төлөвлөсөн гэж Барилга хот байгууллалтын яамны газрын дарга н.Лхагвацэдэн хэллээ.

Түүнчлэн энэ онд Завхан, Баянхонгор, Хэнтий, Өвөрхангай аймгийн сумдад “Сумын төвийн шинэчлэл” төсөл хөтөлбөрийг хэрэгжүүлэхээр төлөвлөжээ.