Энэтхэгт сургалтад хамрагдаж буй хүмүүсийг хүлээн авч уулзлаа

Онцгой байдлын албаны 20 албан хаагч Энэтхэг улсын Засгийн газрын тэтгэлгээр тус улсад англи хэлний сургалтад хамрагдаж байгаа билээ.

Сургалтад хамрагдаж буй албан хаагчдыг Монгол улсаас Энэтхэг улсад суугаа онц бөгөөд бүрэн эрхт Элчийн сайд яамнаас хүлээн авч уулзан, Дели хотын түүхийн дурсгалтай газартай танилцуулж, “Visual aids centre” нүдний эмнэлэгт нүдний хараа шалгах үйлчилгээнд хамруулсан байна.

Мөн Монгол Улсын Засгийн газар, НҮБ-ын Гамшгийн эрсдлийг бууруулах газартай хамтран Гамшгийн эрсдэлийг бууруулах Азийн сайд нарын бага хурлыг 2018 оны 07 дугаар сарын 16-19-ний өдрүүдэд Улаанбаатар хотноо зохион байгуулах ажлын хүрээнд явагдсан “IWDRI 2018” олон улсын хуралдаанд хурандаа Д.Алтангэрэл, хошууч С.Галтзул, ахмад Б.Ганболд, ахлах дэслэгч Ц.Онон нарын төлөөллийг оролцуулжээ гэж Онцгой байдлын ерөнхий газраас мэдээллээ.