Эрэн хайх, аврах ажиллагааг түр зогсоолоо
Завхан аймгийн Отгон сумын нутаг Отгонтэнгэр хайрханд авирч яваад сураггүй болсон иргэдийг эрэн хайх ажиллагаа үргэлжилж байна. Одоогийн байдлаар нийт 10 хүний цогцсыг олоод байгаа.
Мэдээллийн алба
Завхан аймгийн Отгон сумын нутаг Отгонтэнгэр хайрханд авирч яваад сураггүй болсон иргэдийг эрэн хайх ажиллагаа үргэлжилж байна. Одоогийн байдлаар нийт 10 хүний цогцсыг олоод байгаа юм байна.
Цогцоснуудыг далайн төвшнөөс 3200 метрийн өндрөөс олсон байна. Одоогийн байдлаар осолдсон цогцсыг таних боломжгүй, ослын голомтод цагдаа, шүүх эмнэлгийн баг бүрэлдэхүүн ажиллаж байна.
Харин 17:30 цагаас эрэл хайгуулын бүс нутагт харагдах орчин хязгаарлагдаж, харанхуй болж байгаатай холбогдуулан эрэн хайх, аврах ажиллагааг түр зогсоолоо. Энэ талаар өнөөдөр 18:00 цагт ОБЕГ-аас хийсэн шуурхай мэдээлэл болон бусад холбогдох мэдээллийг та бүхэнд хүргэж байна.
