Ерөнхий сайд гишүүдийн хамтаар БНХАУ-ын дарга Си Зиньпинтэй уулзлаа

Бүгд Найрамдах Хятад Ард Улсын дарга Си Зиньпиний Монгол Улсад хийж буй албан ёсны айлчлалын хоёр дахь өдөр үргэлжилж байна. Айлчлалын хоёр дахь өдрийн хөтөлбөрт Монгол Улсын Ерөнхий сайд Н.Алтанхуяг БНХАУ-ын дарга Си Зиньпинд бараалхах байсан. Энэ хөтөлбөрийн дагуу Ерөнхий сайд Н.Алтанхуяг Засгийн газрын гишүүдийн хамт БНХАУ-ын дарга Си Зиньпинтэй уулзалт хийлээ. Мөн УИХ-ын дарга З.Энхболд БНХАУ-ын дарга Си Зиньпинд бараалхлаа. Үүний дараагаар БНХАУ-ын дарга УИХ-ын Хүндэтгэлийн чуулганд үг хэлнэ.