Ерөнхийлөгчийн нэрэмжит тэтгэлгийг 18 оюутан хүртлээ

Монгол Улсын Ерөнхийлөгчийн нэрэмжит 2014 оны тэтгэлгийг хүртсэн шилдэг оюутнууд тодорч, өнөөдөр тэтгэлгээ гардан авлаа.

Тэтгэлгийг Олон Улсын Оюутны Математикийн олимпиадаас гурван жил дараалан хүрэл медаль хүртсэн, МУИС-ийн оюутан Б.Ганбат, Ази тивийн Анагаахын оюутны эрдмийн бүтээлийн илтгэлийн уралдааны тэргүүн байрын шагналт, ЭМШУИС-ийн оюутан Э.Ренчиндорж, Аэробик гимнастикийн дэлхийн аварга шалгаруулах тэмцээний хүрэл, дэлхийн цомын аварга шалгаруулах тэмцээний алтан медальт, ШУТИС-ийн оюутан Э.Галбадрах, Уран зохиол шинжлэлийн өгүүллээрээ "Тайлахуйн чинад" ном бичсэн МУИС-ийн Х.Чойдогжамц нарын тэргүүтэй нийт 18 шилдэг оюутан хүртсэн юм.